La domo de karotoj
{ Miaj ĝenaj skribaĵoj }

Antaŭ du noktoj la humura novaĵ-televidprogramo La ĉiutaga programo havis interesan eron pri la emo al liberalismo en la amasinformilo. Se vi komprenas la anglan, vidi la vidaĵon kaj legi la blogeron. Resumo sekvas.

BLACK parolis pri Conservapedia, la konservativa konkuranto de Vikipedio, kion oni starigis ĉar ni la legantoj estas tro liberalaj. BLACK do komparas la difinojn de samseksamo ĉe ambaŭ vikioj kaj konkludas, ke la difino ĉe Conservapedia ŝajnas pli plezura.

Li do parolis pri konkuranto de YouTube [ju-tub], kio elŝutas siajn vidaĵojn el YouTube. Li diras, Do, la konkuranto de YouTube estas YouTube.

Honeste la fundamentismaj kristanoj (la celgrupo de Conservapedia) konfuzas min. Ili kredas, ke oni povas laŭvorte legi Biblion. La problemo estas, ke tiu libro estas tiom ridinda. Se studentoj en kristanisma lernejo faris raporton pri la ĉielo bazita sur la informoj en Biblio (ĝi estas solida, ekzistas akvo super ĝi, Dio malfermas la malfermaĵojn por fari pluvon k.t.p.), si ne sukcese plenumus la kurson. Eĉ la kreismaj doktrinoj inkluzivas aferojn pri evoluo, ke evoluo respondecas pri la diverseco en specioj sed ne pri la kreadon de novaj specioj. Alivorte la konkuranto de evoluo estas evoluo (kun iuj arbitraj limoj).

Kiel la blogo, kiun mi menciis en la unua alineo diris nerekte el Stephen COLBERT, “la realeco havas konatan liberalan emon”.

Mi ĵus aktualigis al eldono 2.2.1 de WordPress. Novaĵoj en ĉi tiu eldono estas etaj plibonigoj kaj kelkaj sekurecaj riparoj.

Mi renkontis kelkajn problemojn ĉe ĝia alŝutado. Estis problemo pri FTP ne pri WordPress mem. Nur du notindaj ŝanĝoj okazas en mia etoso: la ligo en la ligilbreto nun indikas eldonon 1.0 (anstataŭ 0.3) de Atom kaj ne plu estas limo en la nombro da monatoj en la arkivlisto. Antaŭ la sekva aktualigo mi ŝatus plibonigi subtenon por Esplorilo (eldonoj malpli ol 7) kaj akiri domajnnomon.

Mi antaŭe menciis, ke Guglo akceptis min por somera projekto kaj pagos al mi 4,5 mil dolarojn se mi sukcesos.

Nu, mi havis multajn problemojn, do mi fine skribis al la grupo kaj diris al ili la veron. Matt (denove mi menciis la malbonon de Akismet, kiun Matt inventis) kaj mia mentoro Andy samopiniis, ke mi iru novan vojon kun nova celo kaj nova celmetodo.

Eble, espereble, mi nun povos fari ĝin.

Unue oni faris la filman (nurlumdiskegan) version de la populara lernila libro Gerda Malaperis. Nu, mi neniam spektis tiun filmon. Mi ne ŝatis la libron. Ĝi estis bona lernilo, sed la rakontado estis diletanta, kaj la roluloj estis tro infansimilaj. Ĝi ŝajnis pli taŭge por programero de Scooby Doo.

Mi intencas nenian ofendon kontraŭ Claude PIRON. Mi dankdonas al li pri liaj kontribuoj al Esperantujo kaj la kompreno de kontraŭesperantismo. Aldone mi volas legi lian libron La Bona Lingvo. Fakte mi havas ĝin en mia vollisto en Amazon.com (apud Incubus, la fama Esperanta kinofilmo holivuda, kiun strange mi neniam spektis). Tamen mi ne ŝatis tiun lernilon.

Nun Imagu intencas fari (denove nurlumdiskegan) filman version de La Patro, io, kion mi ne konas fare de iu pri kiu mi ne konas.

Mi ekde multaj jaroj volis lerni la germanan. Mi lernis Esperanto esence hazarde, komence pro scivoleco kaj tiam pro deziro plu lerni post kiam mi jam multe lernis. Mi nun estas denove provanta lerni la germanan, sed ĝi ne estas facila (maltroigo).

Ĝi havas neregulajn verbojn, neantaŭscieblajn genrojn ĉe substantivoj, apartajn multenombrojn k.t.p. Sed la plej ĝena afero estas, ke la vortkunmetoj estas sensensaj. Ĝenerale en Esperanto la ideo de vortkunmeto temas pri ĝia vorteroj. Ekzistas kelkaj esceptoj (eldoni, elteni k.t.p.), sed nenia kiel en la germana.

Mi volas lerni ĝin, kaj la suoma ankaŭ aspektas interesan. Ĝiaj vortoj estas nehindeŭropaj, do estas nerekoneblaj. Ĝi havas neniujn prepoziciojn kaj nur kelkajn neregulajn verbojn.

Mi ŝatus paroli ĉi tiujn lingvojn. Aspektus bonege ĉe mia vivoprotokolo, ke mi povos paroli kvar lingvojn (inkluzive de mia denaska).

Antaŭe ekzistas tiom multe da radiprogrameroj en Esperanto en Esperanto Radio Arkivo. Nun ŝajne la solaj stacioj estas Radio Vatikana kaj (fojfoje) Ĉina Radio Internacia. Je la lasta fojo dum kiu mi kontrolis la programeroj de Radio Polonia (Polujo) estas nur unu samaj. Kie estas la aliaj stacioj? Mi ŝatus aŭskulti pli da Esperanto kaj plu disvolvi mian komprenkapablon. Eble iame mi povos ĉeesti kongreson, sed ĝis tiam, mi bezonas programerojn el la radiostacioj.

Mi vidas TTT-paĝojn, kiuj diras, ke oni povas lerni Esperanton en kelkaj semajnoj. Malrapidegaj lernantoj laŭdire povas lerni ĝin en malpli ol jaro. Nu, estis preskaŭ du jaroj antaŭ mi finis la deklecionan malaltnivelan kurson. Aldone mi finis ĝin tiom rapide nur pro tio, ke mi ofte iris al la sekva leciono antaŭ mi plene parkeris ĉiujn el la vortoj. Eble mi ankoraŭ estus provanta parkere reciti vortojn se mi plene, funde faris la kurson.

Post la dekleciona kurso mi ne povis partopreni en la interparolado en la novaĵgrupo. Post mi finis la libron “Gerda Malaperis” mi povis. Tamen mi eraris; fakte mi ofte multe stulte eraris. Ho!

Esence mi bezonis kvaroble pli da tempdaŭro ol la plej malrapida lernanto. Mi supozas do, ke aliaj lingvoj ne estas en mia atingo. Domaĝe pro tio, ke mi ŝatus lerni plu. Mi skribos pri tio pli malfrue.

Nu, la homoj, kiuj diras, ke ili lernis ĝin en kelkaj semajnoj ankaŭ laŭ si povus kompreni parolatan Esperanton ĉe sia unua renkonto kun alia Esperantisto. Nu, mi provis aŭskulti Esperantan radion, sed komence mi apenaŭ komprenis ion ajn (ĝi ŝajnis kiel aro da sonoj, ne aŭdeblaj vortoj). Post jaroj de aŭstkultado mi povas kompreni la esencan punkton, ĉefideon de la elsendoj, sed certe ne ĉiuj el la vortoj.

Kaj malgraŭ tio, ke mi povas esence kompreni Esperanton (kaj komprenigi miajn pensojn en ĝi), mi ne plene komprenas ĝin. Ekz-e en la lasta alineo mi diris “ĉiuj el la vortoj”. Eble mi estu dirita “la tutaĵo de la vortoj”. Mi ne certas. Mi ne certas pri multaj aferoj en Esperanto: la uzo de “ĉe”, la uzo de “ĝusta” kaj “prava”, la uzo de “vera” kaj “efektiva”, de “aspekti” kaj “ŝajni”, de la volitivo kaj “devas” k.t.p. Mi estas tiom stulta, ke facila lingvo por mi estas malfacila, malrapide akirita kaj konfuziĝanta.

La parlamentanoj de Francujo plendis pri la stato de la angla en lernejoj, la registaro k.t.p. Formoj el la angla kiel “sur le web” (en la TTT), “le news” (la novaĵo) k.t.p. anstataŭas la francajn formojn. La parlamentanoj de Francujo vidas ĉi tiun kiel la mortigon de la franca lingvo kaj kulturo (eĉ nomiĝinta la anglan “la malamiko”).

Mi plejparte samopinias kun ili. Mi ne opinias, ke la angla estas la malamiko, sed Usono certe estas. Post kiam Francujo ĉesis en la milito kontraŭ Irako Usono komencis grandan kontraŭstaron kontraŭ Francujo. Krome la usonaj registaranoj estas konataj pro sia emo al policado kaj superregado de la mondo. Mi ne povas kulpigi la francojn pro tio, ke ili ne volas anstataŭigi sian kulturon per la kulturo de usonanoj, la kulturo de rapidmanĝejoj, “realeca televido”, religia frenezeco, avareco k.t.p.

Tamen mi ne plene samopinias kun la decidoj de la franclingvaj akademianoj, kiel la insisto de la vorto “bloc” (bloko) anstataŭ la elangla “blog” (blogo). Nu, mi uzas blogon mem pro tio, ke ĝi estas produkta. Oni povas produkti la vortojn bloganto, blogisto, blogero k.t.p. sen substantivo kaj prepozicio (t.e. verkisto de, fakulo pri, aldonaĵo en, respektive).

La gazetaro esperantista raportas, ke la estro de la komisiono pri plurlingveco ĉe la Eŭropa Unio (EU) kontraŭas Esperanton. Sed ĉu tio veras? Laŭ mia kompreno li nur volas konservi la plurlingvecon de la EU (kaj tial, tio ne estis atako kontraŭ Esperanto mem). Kompreneble unuflanke la uzo de Esperanto ĉe la EU malkreskus la superregadon de la “grandaj tri” lingvoj (la angla, la franca kaj la germana), kaj helpus pli malgrandajn lingvojn.

Tamen aliflanke se Esperanto estus uzata ĉe la EU, ĉu la EU-anoj uzus aliajn? Mi ne certas, ke mi estus. Se ĉiuj, kiuj mi konas, uzus Esperanton, mi dubas, ke mi iam uzus la anglan. Do, la uzo de Esperanto havas du flankojn. Unuflanke ĝi povas protekti la malgrandajn lingvojn kontraŭ la superregado de la grandaj lingvoj.

Tamen aliflanke ĝi povus mortigi ĉiujn aliajn lingvojn. Diable Esperanto, kial vi devas esti tiom bona?

Mi telefonis al la impostministrejo, kiel mi antaŭe raportis. Nu, mi parolis al iu, kio estis tre embarasa. Mi scias, ke mi sonŝajnas iom(ege) malinteligenta, kiel iu, kiu ne estu en libera socio. La telefonrespondintino demandis al mi iujn demandojn, sed klare ĝeniĝis, ĉar ŝi petis paroli iun alian. Do, mi petas, ke mia patrino parolu kun ŝi, kaj pro tio (ke mia patrino malrifuzis) ĉio espereble bone rezultos.