La domo de karotoj
{ Miaj ĝenaj skribaĵoj }

Hieraŭa nokto estis la debato de la usona demokrata partio en la novaĵo-televidkanalo CNN. Mi politike inklinas al la maldekstro, do mi konsentas kun multaj el la aferoj. Morgaŭa nokto estos la debato de la respublikana partio; mi certas, ke se mi spektos ĝin, mi koleriĝos.

Estis pli da kandidatoj ol mi pensis. Mi komence estis porparolanto por EDWARDS [ED-verdz], sed KUCINICH [ku-SI-niĉ] plej bonsurprizis min. Mi konsentas kun li pri la plejparto el la aferoj. EDWARDS havis nebelan bruniĝon kaj OBAMA [o-BA-ma] tro unutonite parolis.

Unu afero pri kiu ĉiuj kandidatoj konsentis, estis ke la milito en Irako devas finiĝi. Alia afero estis enmigrado (precipe el Meksikio). La demando de ĉu la angla estu la oficiala lingvo de Usono enkondukiĝis. Nur GRAVEL [gra-VEL] samopiniis. CLINTON [KLIN-ton] diris, ke ekzistas tro da problemoj pri tio: se vizitanto ne komprenas la anglan kaj doloriĝas, si ne povus helpiĝi, ĉar tradukistoj en malsanulejoj kontraŭstaros la regulon. Nur DODD [dad] diris, ke ni kuraĝigu usonanojn lerni aliajn lingvojn.

Terorismo ne finiĝis, kaj la kandidatoj tre mallaŭdis pri la neefikeco de la aktuala registaro. EDWARDS diris, ke la “milito kontraŭ teroro” estas devizo ne plano. La aliaj kandidatoj ne konsentas.

Alia afero estas sanzorgo por usonanoj, eĉ tiuj, kiuj ne havas sufiĉan monon por pagi kontraŭ ĝi. EDWARDS, CLINTON kaj OBAMA ĉiuj havas planojn por pagi la sanasekurajn firmaojn por kovri la plejparto el usonanoj. Tamen KUCINICH gajnas pro ĉi tio, ĉar li diris, ke la firmaoj devu ne regi la koveradon; tio estu federa. Tio venas baldaŭ post reĝisoro Michael MOORE [MAJ-kl mor] eldonis la novan dokumentan kinofilmon Sicko (Malsanulo), kiu esploras avarecon en la sanzorga industrio.

Alia grava afero estas gejaj rajtoj. Ĉiuj kandidatoj subtenas publikajn gejojn en la armeo. KLINTON, kies edzo proponis la regulon “Ne demandu, ne diru”, diras, ke tiu regulo estis transira en erao en kiu pli malmultaj usonanoj allasis gejojn ol nun. Ĉiuj ankaŭ subtenas neeklezian edziĝon de gejoj, sed ne la religia geja kunedziĝo. EDWARDS diris, ke tio estu la decido de la subŝtatoj kaj kirkoj. Mi ne opinias, ke edziĝo estas bona (en la moderna tempo), sed tiuj, kiuj volas ĝin (pro kio ajn kialo) povu atingi ĝin.

Aldone al ke mia frato estas geedziĝonta en decembro, mia fratino gravedas. Tio estas problema, ĉar kiam graveda, ŝi ne povas esti mediciniĝita per kuracilo kontraŭ sia iritiĝemeco kaj ĝeniĝemeco. Tiu bebo estos ŝia tria. Mi volas al ŝi bonŝancon; ŝi bezonos ĝin.

Aktuale estas televida reklamo por la muskolkresiga maŝino Bow Flex. La viro en la reklamo parolos pri maldikiĝi de 38-cola talio al 30-cola. Li tiam diras, Mi donas al miaj dikecaj amikoj miajn dikecajn vestojn. Nu, tiuj verŝajne ne plu estas liaj amikoj post li nomata si dikaj. Sed mi havas 38-colan talion, do la reklamo insultis min.

Li ankaŭ diras, ke li maldikĝis de pli ol 70 fundoj. Nu, se mi maldikiĝis de tiom, mi estus malsane maldika (sed eble tio estas bezonita por amorveke aspekti). Li ankaŭ diras, Mi ne embarasiĝas forigi mian ĉemizon. Tio precipe malgajigas min, ĉar mi estus embarasita eĉ se mi ne estus dika, pro la fakto, ke mi estas misformita kaj mutaciita. Mi malgajiĝas, ĉar mi agnoskas, ke senrigarde al la kvanto da pezo, kiun mi elirigas, mi ankoraŭ ne estos normala, amorveka k.t.p.

Tamen, mi ankoraŭ volas pezi ne pli ol 75 kilogramoj (vidi mian ĉi-antaŭa blogero). Mi estas mutaciulo, sed tio ne signifas, ke mi ne povas esti maldika mutaciulo.

Mi kreis la kategorion Pezo por ke mi povu spuri mian pezon. Mi ankoraŭ havas proksimume mian novjaran pezon. Mi bezonas plu maldikiĝi, precipe pro la geedziĝo de mia frato en malpli ol 7 monatoj. Mi volas pezi inter 70 kaj 75 kilogramoj antaŭ tiam. Mi faros ĝin kiel mi antaŭe faris ĝin. Limigi miajn kaloriojn al 2000 je ĉiu tago kaj mi ekzercos.

Mi legas multajn bonajn aferojn pri interspaca trejnado. Laŭ la plano oni kuras por kelkaj sekundoj kaj tiam promenas dum la resto de la minuto. Oni tiam ripetas por la daŭro de la ekzercado (la rekomendo estas inter 30 kaj 90 minutoj). Interspaca trejnado supozeble plikreskigos onian metabolon kaj uzos multajn kaloriojn. Ankaŭ oni proponas, ke viroj faru 50 levigadajn ekzercojn (en la angla “push-ups”) je ĉiu tago. Tio estos malfacila, ĉar mi povas nur fari ĉirkaŭ 10. Fakte kiam mi estis faranta tiujn (je la antaŭvintro) mi povis nur fari 17 (kaj tio estis kun mi farante tiujn je ĉiu tago). Mi ne scias, kiel mi farus 50.

Mia sekreto al maldikiĝado (mi jam maldikiĝis de 32 kilogramoj) estis eviti spagetaĵon (kiun mi ŝategas, sed havas tro da kalorioj), manĝi nur inter 1500 kaj 2000 kalorioj je ĉiu tago, manĝi (malmulte) je ĉiu tri horoj, nur pezi min je ĉiu semajno kaj regule ekzerci. Mi scias, ke mi povas plu maldikiĝi kaj atingi pezon neembarasan antaŭ la geedziĝo.

Nu, mia pezo hodiaŭ: 96.6 kilogramoj. Mi antaŭe pezis min sabate (pro mia gepatro laboras sabate kaj mi estis kaŝita, ke mi maldikiĝadis), sed mi supozas monate estas kiel bone. Mi bezonos denove afiŝi mian pezon kaj progreson je la sekva semajno por ke mi (espereble) povu atingi reton de subtenantoj tutmonde.

Mia frato estas geedziĝonta al sia fianĉino en malfrua decembro de ĉi tiu jaro. Li antaŭe volis ĝisatendi sian diplomiĝon el la magistra programo pro konsilo de niaj gepatroj kaj la ŝiaj, sed ili decidis ne atendi.

Mia posteno en la geedziĝa ceremonio estos stari apud li. Ho!