La domo de karotoj
{ Miaj ĝenaj skribaĵoj }

2008-Nov-17

Supersignoj en xterm en Ubuntu

Arkivita sub: Esperanto, Komputiloj de Keĉjo je 18:36 UTC

Mi fine solvis ĉi tiun problemon. Fakte mi nun estas tajpanta en Vim en xterm-a fenestro.

La problemo: eo_XX.UTF-8 ne estas subtenata lokaĵaro en la xterm de Ubuntu (mi certas, ke ĝi funkciis en Mandriva). Oni povas uzi la lokaĵaron en_US.UTF-8 kaj supersignoj funkcias, sed la Esperantigoj de programoj estas neuzeblaj. Post serĉado mi eltrovis la solvon. Valorizi la variablon LC_CTYPE al en_US.UTF-8 por ebligi la supersignojn (kapabli eligi signojn laŭ Unikodo) kaj valorizi la variablojn LANG kaj LANGUAGE al eo_XX.UTF-8 por ebligi laŭ haveblo la Esperantigojn de programoj.

Komentoj (3) | Reenaĵoj (0)

Kiel igi Linkon bona TTT-legilo

Arkivita sub: TTT-legiloj de Keĉjo je 18:14 UTC

Mi ŝatas Linkon. Ĝi estas rapida, efike uzas la memoron, neniam paneas k.t.p. Sed mi ne povas uzi ĝin pro tri kialoj:

  1. Tro da TTT-ejoj ne funkcias kun ĝi. Kompreneble tio estas problemo kun la TTT-disvolvantaro, ne kun la TTT-legilo. Ni bezonas pli da edukado pri aliaj specoj de TTT-legiloj.
  2. Neniuj legosigno-ŝlosilvortoj. Tiuj estas fundamente necesaj.
  3. Neniuj langetoj. Linko povus realigi langetojn, simile al bufroj en Vim.
Komentoj (0) | Reenaĵoj (0)

Motorata per WordPress 2.7

Bad Behavior has blocked 31 access attempts in the last 7 days.